پاک آسٹریلیا سیریز، قومی ٹیم امارات پہنچ گئی

پاک آسٹریلیا ون ڈے سیریز کے لیے قومی کرکٹ ٹیم کے کھلاڑی متحدہ عرب امارات پہنچ گئے۔

پاکستان اور آسٹریلیا کے درمیان 5 ون ڈے میچز پر مشتمل سیریز پہلا میچ 22 مارچ کو کھیلا جائے گا۔

آسٹریلیا کے خلاف ون ڈے سیریز کے لیے قومی ٹیم کے کپتان سرفراز احمد کو آرام دیا گیا ہے جن کی جگہ شعیب ملک قومی ٹیم کی قیادت کریں گے۔

16 رکنی قومی اسکواڈ میں امام الحق، شان مسعود، عمر اکمل، حارث سہیل، عماد وسیم، فہیم اشرف، محمد عامر، جنید خان، محمد عباس، عثمان خان شنواری، یاسر شاہ، سعد علی اور محمد حسنین شامل ہیں۔

سانحہ کرائسٹ چرچ:بنگلہ دیشی کرکٹرز کےلیے ماہر نفسیات طلب

بنگلا دیش کرکٹ بورڈ کا کرکٹرز کو سانحہ کرائسٹ چرچ کے منفی اثرات سے نکالنے کے لیے غیر ملکی ماہر نفسیات کی خدمات لینے کا فیصلہ، ،کرکٹرز کولیکچرز کے ذریعے نارمل زندگی کی طرف واپس لایا جائے گا

سانحہ کرائسٹ چرچ کے بعد بنگلہ دیش کرکٹ بورڈ نے غیر ملکی ماہر نفسیات کی خدمات حاصل کرنے کا فیصلہ کیا ہے۔

بنگلہ دیش کرکٹ ٹیم نیوزی لینڈ کے شہر کرائسٹ چرچ میں ہونےو الے مساجد پر حملوں میں بال بال بچی تھی ، واقعے کے بعد ٹیسٹ سیریز منسوخ کرکے بنگلہ دیش کرکٹ ٹیم کے 24 گھنٹوں کے اند ر اندر وطن واپسی کے انتظامات کیئے گئے۔

سانحہ کرائسٹ چرچ کی وجہ سے کھلاڑی اس وقت خوف کی کیفیت میں مبتلا ہیں اورذہنی طور پر پر سکون نہیں۔

ذرائع کا کہنا ہے کہ بنگلہ دیش کرکٹ بورڈ نے کھلاڑیوں کے لیئے ایک غیر ملکی ماہر نفسیات کی خدمات حاصل کرنے کا فیصلہ کیا ہے اور اس کا مقصد کھلاڑیوں کی لیکچرز سے کونسلنگ کر کے خوف کی کیفیت سے نکالنا ہے۔

تاکہ کرکٹرز کو نارمل زندگی کی طرف واپس لایا جا سکے، ذرائع کا کہنا ہے کہ بورڈ نے میڈیا سے بھی درخواست کی ہے کہ وہ کھلاڑیوں سے سانحہ کے حوالے سے بات چیت سے گریز کریں۔

رونالڈو نے ہیئرٹرانسپلانٹ کلینک کھول لیا

اطالوی فٹ بال کلب یووینٹس کے فارورڈ اور پرتگالی اسٹار کرسٹیانو رونالڈو نے اسپین میں ہیئر ٹلانس پلانٹ کلینک کھول لیا ہے۔

انسپاریا گروپ کے تحت ہیئر ٹلانس پلانٹ کلینک میں رونالڈو 50فیصد شیئر کے مالک ہیں۔

کلینک کی افتتاحی تقریب میں کرسٹیانو رونالڈو نے بھی شرکت کی ۔

اس موقع پر اُن کا کہنا تھا کہ گنج پن یورپ سمیت دنیا بھر میں بڑا مسئلہ ہے، ہم ایسے افراد کی شخصیت کو بہتر بنانے میں مدد کرنا چاہتے ہیں لہٰذا آپ بلا جھجک ہمارے پاس آسکتے ہیں۔

رونالڈو کا مزید کہنا تھا کہ ہر کوئی اپنی شخصیت کا خیال رکھنا چاہتا ہے اور میں اس کی واضح مثال ہوں، اسی لئے جب مجھے اس پروجیکٹ کے بارے میں بتایا گیا تو میں فوری طور پر سمجھ گیا کہ یہ کچھ منفرد ہے۔

فٹ بال اسٹار کا کہنا تھا کہ یہ منصوبہ کامیاب ہوگا کیونکہ ہم ہسپانوی لوگوں اور ملک کی اکانومی میں مدد کے خواہاں ہیں۔

انسپاریا گروپ کے پرتگال میں 10 کلینک ہیں، جو 35ہزار سے زائد ہیئر ٹرانسپلانٹ کرچکے ہیں، ان کی ٹریٹمنٹ کا عمل تقریباً چھ گھنٹے طویل ہوتا ہے، جس پر چار سے سات ہزار یورو اخراجات آتے ہیں۔

اپنی رائے سے آگاہ کریں

دنیا کا پسندیدہ آن لائن کھیل بیٹنگ کمپنی صرف +18کیلے, ابھی مفت رجسٹریشن کرنے پھر حاصل کريی 15000 تک فری بونس

JOIN NOW and get 100% deposit BONUS for FREE